گوگل کا یوم آزادی پر پاکستانیوں کے لیے تحفہ

گوگل نے پاکستان کے 72 ویں یو م آزادی کے موقع پر پاکستانیوں کے جشن میں حصہ ڈالتے ہوئے اپنا ڈوڈل پاکستانی پرچم کے رنگوں میں رنگ دیا۔ دنیا کے سب سے بڑے سرچ انجن گوگل کی ویب سائٹ پر دیکھ جا سکتا ہے کہ ڈوڈل پر سبز ہلالی پرچم پوری آب و تاب کے ساتھ لہراتا نظر آرہا ہے۔ 

گوگل دنیا بھر میں اہم مواقع پرمنفرد قسم کے ڈوڈلز تیار کر کے داد وصول کرتا ہے۔ خیال رہے کہ گوگل 2011 سے پاکستان کے یوم آزادی کے موقع پر پاکستانی عوام کے لیے بھی مختلف ڈوڈل بنا رہا ہے، سرچ انجن نے پہلی مرتبہ 2011 میں چاند ستاروں اور مینار پاکستان سے مزین سبز رنگ کے ڈوڈل سے مبارکباد کا سلسلہ شروع کیا تھا۔